李家 (海壩街)

营业中

休息中

隔一排就心思思想食韩国菜，呢间炸鸡出名，听闻系香港首间韩式炸鸡店，由韩国人主理，Oppa服务几好~叫咗二人餐，$358 for 2，相当抵食~ 前菜酸萝卜同椰菜丝都系无限refill~🔘韩式炸鸡半只拣咗无骨原味炸鸡，炸鸡外酥内嫩，里面保持有肉汁，炸粉唔厚，调味啱啱好~ 🔘韩式炒粉丝用上非常多蔬菜作为配料，加上牛肉，口感丰富，炒得干身唔油腻，韩式粉丝有咬口，份量都几多~ 🔘紫菜粉丝卷紫菜包裹住粉丝再拎去炸，香脆可口，忍唔住一口接一口~ 🔘年糕香肠串炸年糕几好食，烟韧口感一啲都唔硬，加上芥末酱同茄汁，传统韩式滋味~ 🔘韩式蒸蛋另外点咗个蒸蛋，同港式蒸蛋好唔同，好有蓬松感，口感绵密有蛋香~