甘味處鎌倉

营业中

休息中

新界东嘅甘味处镰仓FANS有口福喇，终于喺沙田新城市广场一期见到佢哋！呢间来自日本嘅传统甜品店，热卖嘅不止系镰仓蕨饼，仲有刨冰同蕨饼特饮，今晚一定要试多几款！我哋试咗两杯饮品，分别系期间限定嘅芒果乳酪蕨饼同芝麻蕨饼。芒果乳酪饮品甜而不腻，带有浓郁嘅芒果香，微酸嘅味道更添真实水果嘅口感。至于芝麻蕨饼，则有一种香浓嘅坚果味，两杯饮品都用蕨饼做底，口感丰富，味道各有特色。见到个刨冰咁大份，1份分享啱啱好。我哋点咗宇治金时，绿茶味唔算太强烈，冰质感幼细，入口即溶，配搭红豆、蕨饼等伴碟，真系又好睇又好食。最后，我哋仲点咗盒镰仓蕨饼，哇～每件份量都好足，绿茶粉超多，食落好满足，加埋黑糖酱，味道更加出色。整体嚟讲，呢间店嘅甜品质素都几高，味道唔错，大家如果有兴趣，真系可以去试下！铜锣湾希慎广场同屯门市广场都有甘味处镰仓架。