甘味處鎌倉

营业中

休息中

喺香港生活真係好多姿多彩,香港人鍾意日本嘢係人都知, 而家連鎌倉嘅名物. 喺香港都開咗舖頭真係好屈機今次係我第二次食呢間嘢第一次食仲有優惠半價. 食過返尋味，所以今次返桌.舖頭開陽, 廚房乾淨企理睇住職員處理飲品&食物.刨冰芝麻味好重, 一啲都唔甜非常解渴，啱晒啲鍾意減肥又鍾意食凍嘢嘅人鍾意呢間嘢嘅朋友一定真係唔可以錯過仲有綠茶鮮奶, 綠茶同埋紅豆真係最佳拍檔點樣食行完街想搵個地方坐叫杯嘢飲食個糖水又可以chill一日

沙田新店推介日式甜品店 甘味處鎌倉@kamakura_hongkong日本超人氣主打招牌人氣名物「鎌倉蕨餅」😍更設多款和風特飲和刨冰，喜愛茶道既我當然要試試！木系裝修，和風滿滿，必試每日新鮮炮製鎌倉餅！餐廳嚴選日本產稀有的「本蕨粉」，鎌倉餅係即叫即制，超級新鮮柔軟，每件蕨餅都完美沾滿豆味香濃的黃豆粉，微甜但不膩，滋味level up!自家製黑蜜黄豆粉刨冰黃豆粉完美地散落於每一吋刨冰，非常莊觀，刨冰乃選用日本直送天然水製成，入口口感幼細，配上自家製黑蜜，清香淡雅芝麻牛奶蕨餅初嚐創新配搭，有驚喜！特濃芝麻味道芳香宜人，令人齒頰留香，配上忌廉和牛乳，入口順滑，蕨餅口感軟糯，讚！甘味處鎌倉沙田沙田正街18-19號新城市廣場一期4樓410號舖

喺日本食過甘味處鎌倉嘅蕨餅就返唔到轉頭😆，一食愛上!! 好彩香港乜都有得食，呢間過江龍喺香港都開咗幾間分店🫶🏻。呢日癮起又好想食，路經沙田知佢開咗新分店，見有位即刻食返盒先🤤～·♡ 鎌倉蕨餅 HKD$98 (+$10自家製黑蜜糖漿)蕨餅係每日即場新鮮現製🤲🏻，可以透過玻璃櫥窗睇住製作過程。1盒10粒，粒粒都勁大粒😻，面頭係鋪滿海量不見底嘅黃豆粉，蕨餅沾滿黃豆粉食味道好match!! 甜而不膩，黃豆粉係唔會漲住個口，超like🩷。蕨餅口感十分軟燸，用竹籤拮起可以拉到好長，仲好動L添😂!! 同時加入黑蜜糖漿，味道會更加香甜。·♡ 西尾抹茶刨冰 HKD$88呢款刨冰🍧味道會比較香甜，茶澀味會冇冇咁突出，鐘意食甜味較高嘅朋友仔會較喜歡😋；刨冰側邊會附有幾件原味蕨餅，叫呢個就可以試埋蕨餅啦👍🏻～·♡ 草莓牛奶蕨餅（小杯） HKD$48♡ 淺川園抹茶蕨餅（小杯） HKD$48喺特飲裡加入蕨餅呢個配搭好新奇😚，一路飲一路有得咬咬下，好得意🤗！草莓牛奶嗰杯甜度會較高，而抹茶嗰杯會帶有荼嘅苦澀味🍵，甜度相對會冇咁高。·📍甘味處鎌倉沙田正街18-19號新城市廣場一期4樓410號舖

小編上星期約左朋友去沙田IKEA，行完之後提議食甜品。我地發現鄰近地鐵的甜品店不多，不過見到有間新開無耐的甘味處鎌倉。之前係Sogo時候太多人排隊就無食，今次見到人不算多就去試試。原來飲品係可以加忌廉~草莓乳酪蕨餅飲料（另外加忌廉）草莓同乳酪十分夾，一甜一酸。草莓食到果醬之餘，亦食到草莓粒。乳酪偏酸及厚身，不過有被草莓醬中和左部分酸味。底下蕨餅甜甜煙靭；忌廉輕盈淡甜。淺川園抹茶蕨餅飲料抹茶底帶點甘甘苦苦的味道，都算幾濃下，同時中和了蕨餅的甜度，令到整體味道變得中性。鎌倉蕨餅蕨餅作爲Signature，不得不叫。蕨餅用紙盒裝住，十分有重量。頂個層係蓋子，要小心慢慢的打開。黃豆粉完全遮蓋了蕨餅，鋪得滿滿的。每件蕨餅size頗大，不是一口分量，用叉子叉的時候都feel到重量。口感軟糯煙靭，甜度都適中，所以小編就無加入黑蜜糖漿。自家製黑蜜黃豆粉刨冰一如既往，小編都會選擇翻最簡單的口味。刨冰十分巨大，完全可以2-3人share，不過小編見到好多人都是一人一個，好癲！大部分刨冰都磨得細膩，得少少保持冰粒口感。頂層的黑蜜糖漿同刨冰融合埋一起，甜度亦被中和，配上黃豆粉的口感，有種好似飲緊凍飲感覺。甘味

甘味處鎌倉係沙田新城市廣場都開咗分店啦🎉以後想食蕨餅又多一個地點選擇😋😋甘味處鎌倉✨以其細膩和風甜點聞名🔥招牌名物”鎌倉蕨餅”更是好評如潮、風靡全日🌟沙田分店採用日式簡約裝潢，木質桌椅搭配柔和燈光💁🏻‍♀️營造出寧靜雅緻氛圍，令人感到舒適輕鬆💕🔹淺川園抹茶蕨餅飲品完美結合濃郁抹茶與Q彈蕨餅。抹茶味道醇厚，帶一絲微苦，與蕨餅柔軟口感形成對比，每一啖都可以感受到抹茶香氣於口中蔓延，令人回味無窮！🔹生薑柚子蕨餅梳打微辣生薑與清香柚子交織出獨特風味，飲落清新爽口～底部仲有Q彈蕨餅，搭配梳打既氣泡感，增添陣陣清涼感，解暑又解渴～🔹鎌倉蕨餅（10個裝）口感柔滑Q彈，每一口都帶有淡淡甜味，淋上自家製黑蜜，蜜香濃郁，為蕨餅增添豐富層次感。而且黑蜜甜度恰到好處，與蕨餅完美融合！🔹自家製黑蜜黃豆粉刨冰冰沙細膩，黃豆粉香氣撲鼻，帶淡淡堅果味～加以自家製黑蜜，甜而不膩，完美襯托出黃豆粉既香濃。帶來冰涼享受，令人於炎熱天氣中感到無比舒適！甘味處鎌倉✨📍沙田沙田正街18-19號新城市廣場一期4樓410號舖

知道沙田新開左呢間蕨餅店即刻忍唔住同朋友黎試下🤣.💎$98 鐮倉蕨餅 (10個裝)蕨餅外層晶瑩剔透口感柔軟而富有彈性令人一咬即化🥹加上微微既甜度同朋友都特別鍾意呢這種傳統既日式甜點.💎$98 宇治金時刨冰刨冰既冰體細膩如雪花般輕柔伴隨著濃郁既宇治抹茶同甜蜜的紅豆令人每一啖都感覺到層次既變化冰涼既口感好舒服👏🏻.💎$48 天空焙茶蕨餅飲品散發出焙茶既香氣增添左一股獨特既風味令人感受到焙茶既深厚同清香😆.💎$55 芝麻牛奶蕨餅將濃郁既芝麻同香滑既牛奶相結合形成左一種令人驚艷既口感芝麻既香氣非常突出搭配蕨餅既Q彈口感層次非常豐富😆😆

淺川園抹茶拿鐵蕨餅抹茶控必食！抹茶甘醇淡雅，加上鮮奶入口順滑，底層黑蜜蕨餅軟糯香甜，剛好中和了抹茶的苦澀，整體甜度適中，將蕨餅加入飲品之中，嶄新配搭，感覺清新宇治金時刨冰刨冰質地帶點微細冰粒細滑，增加口感，抹茶味適中，入口即溶化，配料豐富，有黃豆味蕨餅、白玉和十勝紅豆，滿滿和風風味，大愛！天空焙茶拿鐵蕨餅焙茶入口甘醇，散岀陣陣炭燒過的焙茶香，配上奶味香濃的鮮奶，令口感更順滑，烘焙的尾韻在口腔內徊旋，令人回味無窮甘味處鎌倉📍沙田沙田正街18-19號新城市廣場一期4樓410號舖

天氣又熱返，行開沙田市中心想飲杯野又唔想飲咖啡，發現市中心有間新開嘅「甘味處鎌倉」就黎試下。佢開係間i.t 前面，市中心中庭搭電梯上來一下子就見到，好方便。叫左杯「淺川園抹茶拿鐵」：d 綠茶超滑啊！綠茶同奶唔係分開果只，合為一體，好滑好好飲！另外一杯 「芝麻牛奶蕨餅」係新特飲，一樣好滑。因為覺得綠茶好飲所以另加左一份「宇治金時刨冰」：估唔到好大份，抺茶味好濃，仲配有蕨餅，紅豆同小丸子，炎炎夏日食真係正。最後仲叫左盒蕨餅外賣，雖然睇落唔太大份，但其實因為包裝簡單，入面其實係好一份蔵餅。蔵餅甜度岩岩好，唔感好滑，唔係黏牙果只，粘上特有嘅黃豆粉好好味，絕對值得一試，會再買！

🇯🇵日本過江龍甜品茶飲店, 喺日本有超過50間分店⛳️選址沙田新城市開設第3️⃣間香港海外店🇭🇰🌟主打招牌人氣名物「鎌倉蕨餅」,多款特式飲品🥤和刨冰🍧🪵裝修走木系和風, 多個堂食座位🪑🔸鎌倉蕨餅💛 (10個裝) $98 7/10🇯🇵選用日本產稀有的「本蕨粉」店員即場新鮮製作, 蕨餅size是平日的2倍🫨☺️口感份外柔軟, 黃豆粉份量超級多😳整體冰涼, 甜而不膩🥰🔸宇治金時刨冰🍧 $98 6/10🍧刨冰選用日本直送天然水製成💧質感幼細, 旁邊伴有🫘紅豆, 白玉⚪️和蕨餅🔸淺川園抹茶拿鐵蕨餅🍵🥤(S) $48 6/10抹茶味不太濃, 淡淡回甘蕨餅略甜, 適合飲嘢中意有口感嘅朋友雖然用粗飲管, 但開頭都要幾用力吸🔸草莓乳酪蕨餅🍓🥤(S) $53 6/10乳酪和🍓草莓粒酸酸甜甜杯底同樣有蕨餅, 整體偏甜🤏🏻

原來呢間日本過江龍除咗喺銅鑼灣同屯門，沙田都開咗間新分店，估唔到喺香港都食到日本嘅味道。同朋友叫咗一個日本傳統甜點黃豆粉蕨餅，口感軟糯又不失彈性，有點像再軟身一點的啫喱，每一舊都超大，大量黃豆粉，再淋啲沖繩黑蜜一齊食，甜度適中，真係好好食。黑芝麻純水刨冰啲冰綿密幼細，幾乎入口即溶，啖啖濃郁黑芝麻味，有兩塊蕨餅食落冇咁單調。淺川園抹茶拿鐵蕨餅，日本抹茶好香好濃，抹茶控至愛，跟住佢底部有蕨餅，一路飲一路有得食蕨餅，雙重滋味。天空焙茶拿鐵蕨餅，焙茶味好香濃，兩款茶都試哂好滿足。

今日行開新城市原來新城市開咗間日式蕨餅甜品店，日式裝修，連入邊嘅員工都着和服真係好日式！佢嘅蕨餅真係做得好出色，見到係即場做，好新鮮！做到軟硬適中，好濕潤！口感一流非常之滑，甜度適中，鍾意食蕨餅嘅人真係要來一試！當中我最鍾意飲佢啲蕨餅飲品，飲料裏便有蕨餅，有咬口得來又唔會好似珍珠咁硬，非常之特別。今日我哋叫咗個草莓乳酪蕨餅飲，裏邊除咗有蕨餅之外仲有草莓果肉，即係一試難忘。另外牛奶咖啡嘅咖啡味超香濃，加上咖啡味嘅蕨餅真係一流。鍾意食蕨餅嘅朋友可以淨買蕨餅，我哋都試咗十件裝嘅蕨餅盒，非常之新鮮。呢度仲有刨冰食，有好多口味選擇，可以一試嘅。

超人氣日本甜品店🇯🇵甘味処鎌倉～我哋去沙田新分店食😍鎌倉原味蕨餅用日本國內稀有嘅「本蕨粉」製作，口感柔軟有彈性，蕨餅冰冰涼涼，沾上好香嘅黃豆粉，甜而不膩，黃豆粉份量好多😍宇治金時刨冰🍧抹茶味不太甜，冰嘅質感好幼細，旁邊有好味嘅蕨餅👍🏻小丸子同紅豆芒果乳酪蕨餅芒果味道香甜，配合乳酪酸酸甜甜，仲有粒粒蕨餅有口感，面頭就有滿滿嘅cream，好濃厚～淺川園抹茶拿鐵蕨餅濃濃抹茶味，配合香醇牛奶，仲有蕨餅淡淡甜味有口感

最近去沙田揾朋友見到新城市竟然都開左【甘味處鎌倉】，因爲朋友未食過、而我之前去日本食過覺得好特別又幾好食，所以今次就同埋佢一齊去試下啦。宇治金時刨冰：刨冰係用信州深層天然水整成，口感順滑無咩太大既冰粒感，加左宇治抹茶蜜、紅豆同白玉，味道唔會太甜、完全唔會有負擔，紅豆非常軟糯。天空焙茶蕨餅飲品：使用左著名靜岡縣生長既焙茶茶葉、味道濃厚回甘、但又唔會苦澀。下面加左黑糖蕨餅、同佢地既原味蕨餅唔同、甜甜地，同焙茶牛奶更加match。草莓乳酪蕨餅飲品：之前係日本仲未有呢款（只有草莓牛奶），所以今次試下乳酪版本、味道唔會太甜，有乳酪既酸甜味、而且非常濃郁。上面再加上一層鮮奶油，質感好滑好香。底部嘅草莓果肉酸酸甜甜、而蕨餅軟糯，令味道同口感更加豐富。鎌倉蕨餅（10個）：佢地signature既蕨餅一定係必叫，每日新鮮當場整。有分5/10個裝。佢地既蕨餅同平時出面食既好唔同，非常軟軟糯糯、黃豆粉非常香。絕對要試下。

甘味處鎌倉於全日本有多達51家店，先後於銅鑼灣同屯門開咗分店，最近更進駐沙田新城市廣場！🤍鎌倉蕨餅 (10 個裝) $98招牌名物鎌倉蕨餅風靡全日本，嚴選日本稀少生產嘅蕨粉，整出嚟嘅蕨餅份外軟糯彈牙，入口即溶，每件沾上黃豆粉食，濃郁又好味🤍宇治金時刨冰 $98 + $12追加蕨餅3件佢哋嘅刨冰都好吸引，選用日本直送天然水製成純冰，食落帶有軟綿口感， 多款口味選擇，宇治金時食得到西尾抹茶味，連同紅豆、白玉一齊食，極具層次🤍飲品鎌倉原創品牌咖啡牛奶蕨餅 $48天空焙茶蕨餅 $48飲品都唔可以錯過，每杯入面都有切碎嘅蕨餅，口感豐富，牛奶咖啡入口順滑；另一杯焙茶味好濃郁，同樣有好多蕨餅粒，焙茶迷要試試

新界東嘅甘味處鎌倉FANS有口福喇，終於喺沙田新城市廣場一期見到佢哋！呢間來自日本嘅傳統甜品店，熱賣嘅不止係鎌倉蕨餅，仲有刨冰同蕨餅特飲，今晚一定要試多幾款！我哋試咗兩杯飲品，分別係期間限定嘅芒果乳酪蕨餅同芝麻蕨餅。芒果乳酪飲品甜而不膩，帶有濃郁嘅芒果香，微酸嘅味道更添真實水果嘅口感。至於芝麻蕨餅，則有一種香濃嘅堅果味，兩杯飲品都用蕨餅做底，口感豐富，味道各有特色。見到個刨冰咁大份，1份分享啱啱好。我哋點咗宇治金時，綠茶味唔算太強烈，冰質感幼細，入口即溶，配搭紅豆、蕨餅等伴碟，真係又好睇又好食。最後，我哋仲點咗盒鎌倉蕨餅，哇～每件份量都好足，綠茶粉超多，食落好滿足，加埋黑糖醬，味道更加出色。整體嚟講，呢間店嘅甜品質素都幾高，味道唔錯，大家如果有興趣，真係可以去試下！銅鑼灣希慎廣場同屯門市廣場都有甘味處鎌倉架。