Lab Eat Bistro (豉油街) (已結業)

星期六同男朋友黎到旺角新开既Lab Eat Bistro食晚餐。值得一赞既系食物质素有水准，连服务都系一流，推荐。两个前菜: 鹅肝炖蛋同迷你汉堡。鹅肝炖蛋配有脆脆既多士，面头有薄薄既焦糖，唔会黏牙亦唔会抢走鹅肝既味。 迷你汉堡汉堡扒煎到五成熟，几香口，个包几松软，细细个好适合做前菜。两个主菜: 牛腰扒同中式甜酸牛面肉。牛腰扒叫左五成熟配蒜茸汁，见到好靓仔，有牛味之余都几软腍。中式甜酸牛面肉牛面肉好够腍，中式酱同佢都几夹，底层铺住大量绵滑既薯蓉。配菜拣左甜醋糖心蛋同烟肉粒炒椰菜仔。甜醋糖心蛋摆盘好精致，味道好似姜醋蛋。烟肉粒炒椰菜仔味道都唔错。甜品系热窝上的布朗尼配冻冰冰雪糕。欣赏呢到有生日牌同蜡烛既服务，当然布朗尼都好出色。用铁镬可以保持热辣辣，有球朱古力雪糕，加埋朱古力酱仲正。饮品叫左Bacardi Rum同Black Cow。Bacardi Rum好烈。Black Cow可以拣zero，无甘罪恶，云尼拿雪糕有云尼拿籽架，好好食。