Helfit Lifestyle Club (已結業)

难得出城食饭，想话揾间餐厅食返餐fine dining，谂起早排见到个饮食专栏介绍过一间响北角嘅楼上舖餐厅，只需要亲民嘅价钱，就可以品尝到五星级嘅美食一于试下！Helfit Lifestyle Club个名好特别，好奇下上佢个网站一睇，原来系一个以食+运动+休息三个元素，带出健康同优质生活嘅团队，尼种概念好适合工作忙碌嘅都市人返嚟正题先，我哋今次就试左个set dinner，首先进场嘅就系前菜：日式青瓜蟹柳沙律，配料新鲜，份量都唔少！餐汤方面，我地加左钱转龙虾汤非常浓厚，好有龙虾鲜味，汤入面都有唔少龙虾肉，内质爽甜，尼个汤真系必试！主菜方面：我就拣左美国安格斯肉眼配红酒汁，肉质唔算鲜嫩但有牛嘅香味！男朋友就拣左美国有骨猪扒，香煎大虾配洋葱汁，大虾煎得刚好，有鲜味，可惜个猪扒嘅肉质有啲”鞋”口！甜品：椰子雪糕配鲜果Coffee and tea 总括嚟讲，set dinner 嘅质素唔算突出，不过龙虾汤嘅味道的确令人食指大动。或者下次可以试试 a la carte，可能会有惊喜！