반찬앤쿡 Banchan and Cook (屯門市廣場1期)

营业中

休息中

呢间Banchan and Cook主打新派韩式料理，餐厅装修以清新嘅文青风为主，重点系假日都设有Lunch set，仲会包埋自选饮品一杯添，价钱亦相当之公道！见到呢到个环境同埋食物都咁精致，决定同朋友一齐品尝下先～咖喱甘笋蛋包饭配汉堡扒💰HK$95卖相吸引，店员会喺客人面前将鸡蛋切开变做蛋包饭，滑蛋下面仲有一块好厚实嘅汉堡扒，汉堡扒肉质好juicy，而咖喱味就香浓得来带有微微嘅甜辣，惹味到令人忍唔住食哂成个饭～牛肉紫菜包饭💰HK$95颜色分明，有烤牛肉、红萝卜丝、青瓜丝、黄萝卜同玉子，啲饭薄薄一层又唔会松散，食落爽口又开胃，感觉亦比较健康～Banchan & Cook 提拉米苏💰HK$25卖相特别，口感香滑嘅cream cheese 混合埋咖啡嘅苦涩味，重现咗提拉米苏经典嘅味道，值得一试～红萝卜园Oreo 慕丝蛋糕💰HK$55除咗卖相超有少女心，呢个慕丝蛋糕亦层次分明，里面有Oreo碎碎、朱古力蛋糕、牛奶奶冻同朱古力慕丝等等，整体味道甜而不腻～✨青柠梳打味道清新解渴～✨荔枝梳打有阵阵嘅荔枝香味，面头仲有两粒荔枝做点缀～