影片
更多
2018-06-24
1461 浏览
落住黄雨，但好难得抽到时间出嚟，只能顶硬上吧~百乐中心全栋有唔少餐厅，食过几间都几唔错，但人流稀少，生意难做。星期六set lunch要计返加一，揼心口呀！西兰花浓汤鸡汤味反而比较出，质地绵滑。可以半价转其他饮品。冻咖啡杯底分别透出粉红同淡啡色，但著重卖相嘅不妨点热饮，表面装饰会更典雅。可能冰比较多，咖啡味略淡，但玫瑰同榛子味几出。跟住就系令我喜出望外，强烈建议大家试试嘅香烤孜然鸡扒。嚟到cafe，见到孜然鸡扒感觉有啲奇怪，完全唔系西餐，亦算不上fusion菜。但当我哋干脆脷落咁切开鸡扒，渗出肉汁嘅一刻，就知厨师系以西式方法烤熟鸡扒。时间、火候控制得恰到好处，先做得到皮香肉嫰。鸡扒取自鸡脾位，厚身、大块，但肉由内到外都系刚好熟。如果以中式方法大火烤熟系做唔出呢种软嫰多汁嘅鸡扒。鸡皮上满满嘅小茴香散发清新香气，融入鸡油香，毫不肥腻。无花果橙柳合桃沙律亦系人气之选。在场唔少系少女，平日客源亦应以OL为主，轻食自然有佢喺市场。无花果粉红色嘅果肉围成花形，见到已经叫人心花怒放。新鲜沙律菜切丝食起嚟更方便，亦更能沾上橙汁。更惊喜嘅系入面加咗同合桃好match嘅cream cheese，不过合桃量
百乐中心全栋有唔少餐厅，食过几间都几唔错，但人流稀少，生意难做。
星期六set lunch要计返加一，揼心口呀！
西兰花浓汤鸡汤味反而比较出，质地绵滑。
玫瑰咖啡/榛子咖啡
$35
23 浏览
0 赞好
0 留言
可以半价转其他饮品。冻咖啡杯底分别透出粉红同淡啡色，但著重卖相嘅不妨点热饮，表面装饰会更典雅。可能冰比较多，咖啡味略淡，但玫瑰同榛子味几出。
跟住就系令我喜出望外，强烈建议大家试试嘅香烤孜然鸡扒。
香烤孜然鸡扒配饭及沙律
$88
32 浏览
0 赞好
0 留言
嚟到cafe，见到孜然鸡扒感觉有啲奇怪，完全唔系西餐，亦算不上fusion菜。但当我哋干脆脷落咁切开鸡扒，渗出肉汁嘅一刻，就知厨师系以西式方法烤熟鸡扒。
时间、火候控制得恰到好处，先做得到皮香肉嫰。鸡扒取自鸡脾位，厚身、大块，但肉由内到外都系刚好熟。如果以中式方法大火烤熟系做唔出呢种软嫰多汁嘅鸡扒。
鸡皮上满满嘅小茴香散发清新香气，融入鸡油香，毫不肥腻。
无花果橙柳合桃沙律亦系人气之选。在场唔少系少女，平日客源亦应以OL为主，轻食自然有佢喺市场。
无花果橙柳合桃沙律
$88
33 浏览
0 赞好
0 留言
无花果粉红色嘅果肉围成花形，见到已经叫人心花怒放。
新鲜沙律菜切丝食起嚟更方便，亦更能沾上橙汁。
更惊喜嘅系入面加咗同合桃好match嘅cream cheese，不过合桃量反而唔及cream cheese咁多，少咗一重香脆口感。
雪葩价钱唔低，但绝对值得揾个理由说服自己一试！
蜜桃雪葩
$68
13 浏览
0 赞好
0 留言
将原个蜜桃挖空，以新鲜果肉打成雪葩，再酿入蜜桃。单系端上枱𠮶吓惊喜已经加晒分！
甜品最怕得个样，唔少甜品店为咗满足客人打卡嘅强欲，忽视咗味道先系食物质素嘅基本呢一点。呢个雪葩好睇好食，雪白嘅雪葩打得细滑，甜味天然唔花巧。
本来想将余下果肉都掏出细味，但变咗冰嘅果肉甜度大感，唔建议大家食喇。
张贴
