碧士文 (東利商業大廈)

营业中

休息中

之前食过铜锣湾店，对手打猪肉丸一试难忘，有新分店系公司附近开紧系encore la🥳🥳门口有张台仔放MENU好得意！手机落单，可以自己拣酱汁，add on，一目了然好方便。Mission C set猪榴弹（双层手打猪柳芝士汉堡）猪柳同肉丸一样咁好香咁好味，软熟juicy，面包有略略烘过，手打猪肉丸 🙌🏻🙌🏻必试！弹牙多汁大粒，mix左啲香草，似山竹牛肉球，但外面煎得好香，似煎肉饼，多重口感。伯爵奶茶 - 推介🙌🏻🙌🏻虽然细细枝，但伯爵茶香浓，唔会太苦，入口幼滑延绵。Mission A set招牌威士忌BBQ猪扒饭长方形盒外型特别。威士忌BBQ汁甜甜地带有淡淡的威士忌味，唔饮whiskey都唔怕食呀。猪扒好腍，已经切成细细旧，方便一啖放晒入口👍🏻可以拣少饭，唔怕食唔晒浪费食物特务浓汤 - 忌廉南瓜汤 推介🙌🏻🙌🏻好有惊喜，南瓜味好浓而且好杰身，啖啖都好满足😌手打猪肉丸太好味所以再叫多左一份，拣左唔同酱：梅子，食落好香，似沙律酱，几特别。