花小椒 (已結業)

朋友介绍依间餐厅, 我呢啲无辣不欢嘅人梗系要试吓，价钱又唔贵! 餐厅地方都几大，位置几多，坐得都算舒服，唔会好逼。冒菜汤底选择好多，有麻辣汤，酸辣汤，酸菜胡椒金汤，唔食辣仲可以拣番茄汤同埋大骨浓汤。仲有盘盘麻辣烫，呢个系香港少有的菜色，从来未食过，好好奇系咩味。配菜款式亦非常多，有荤有素。今次我试左盘盘麻辣烫，店家话系全港首创，梗系要试吓。我拣左小辣，配红薯粉，跟肥牛/娃娃菜/金针菇。店家加左蒜蓉，辣粉同花生碎，捞埋食非常之惹味！而𩠌菜都好入味既，谂起就流口水。入口有麻嘅感觉，却又令你不觉得太辣，感觉好奇妙。钟意食辣嘅朋友可以嗌再辣啲。整体黎讲真系超高cp值。 价钱平但食物高质，份量都够饱，好推介大家黎试！