米亭 (已結業)

深水埗发现呢间几文青的餐厅，有d几抵食的套餐。晚餐2个人埋单竟然唔洗$150就揽住个肚走，性价比超高。有两款套餐，我同朋友一人嗌咗一款。套餐有一个主食x一个凉菜x一个酱菜+饮品。用木盘上菜，感觉非常之台式。朋友的川味黑豚肉饺x豆乳豚骨汤，饺子同我平时食嘅有啲唔同，佢系好弹牙，可能因为用咗黑毛猪？饺子微辣，配清清哋香浓嘅豆乳汤又几夹。我哋发现酱菜的惹味虾酱原来超好食，有点似辣少少嘅xo酱，虾味重，又脆又有口感，配饺子食一流。另一个套餐拣咗米亭麻辣手撕鸡，个面+咗$15转特浓花胶鸡汤。我觉得呢15蚊物超所值！因为有两只大鸡脚，仲有好多花胶，汤底真系超浓鸡汤味，应该煲咗好耐先有呢个浓厚度，但系又一啲都唔油，我差唔多饮晒个汤。麻辣手撕鸡味道ok够麻香，最个底仲有好多莲藕！凉菜我就拣咗比较少见嘅牛蒡，都几够味几好食。饮品竟然仲有我钟意嘅黑豆浆，成个set我就觉得好丰富。我哋另外嗌咗一个金丝蜜椒鸡翼，因为见附近个个都嗌。点知真系几好食，外脆内多汁，蜜糖味够重，我钟意！餐厅环境光猛舒适，下次会再嚟，因为想试下秘制脆汁猪扒。