南洋家 (希雲街) (已結業)

今日去开铜锣湾，去左路经嘅 南洋家 食个快饭。铺头细细，选择就好多，餐厅坐得都舒服。我就叫左 海南鸡配箭叶果饭，羊肉沙嗲串，白膳沙嗲串。海南鸡配箭叶果饭，上枱超大份，摆盘都几靓仔。海南鸡滑溜，鸡肉够嫰滑，味道啱啱好，唔会太浓。配上两款酱汁，其中一款绿色嘅酱汁，有浓郁嘅香草味加上微微辣，配鸡肉或者捞饭都好好食。箭叶果饭 好够份量，压到实一实，第一次试箭叶果饭，食落有好独特嘅淡香，配上鱼干，味道更鲜味。饭粒干身有咬口。值得一试。杂菜都好好食，够爽口。羊肉沙嗲串，肉质厚实，羊肉味浓郁。配上花生味极浓，带辣嘅酱汁超惹味。白膳沙嗲串，推荐比钟意食膳嘅食客，白膳肉厚味鲜，弹牙嘅口感，加上烧至表皮外脆，好食~饮品就叫左新鲜椰青，大大个，椰青水鲜甜，非常解渴。