影片
更多
2022-07-04
1505 浏览
今日有幸试呢间「米芝连中菜餐厅」位于太子 一出地铁站行前少少已经见到大大个招牌写住 「容记小菜馆」🥢要上楼上先系餐厅望住餐牌都拣咗好耐 样样都好似好正我哋都系试吓啲推介出名菜式先😆▶️ 容记第一嘴 ($88)🔥必食之选🔥卖相已经好吸引一粒粒炸到金黄色 上面布满大量椒盐粒同脆脆 令佢脆上加脆🤩因为佢外面粉唔太厚 入面成旧都系墨鱼🦑咬落好有嚼口外皮超香脆 同时又干身👍🏻另外跟一个酱汁 不过味道比椒盐淡 所以原先个椒盐味已经好足够好好食▶️ 烧味双拼饭 ($42+4)🐷烧味四选一 识拣梗系食叉烧同烧腩仔话晒烧腩仔系米芝莲推介🥇猪皮整到劲香脆😋腩肉感觉唔油腻 基本上瘦肉较多 只系夹住两薄层油脂令佢冇咁干本身唔太食烧腩仔嘅我都觉得几好食👍🏻反而叉烧就失色少少 唔系唔好食 但系不至于必食 有啲似屋企整嘅水准🙊蜜汁味系有嘅 只系唔够多 望落去比较干身而唔系反光𠮶只 肉质唔韧 全瘦肉 可能因为咁而好干身 好嘅系佢会相对健康🤣饭好多 可以两个人食🍚米粒粒分明唔太黏 但系就超有饭香味配上少少叉烧酱食几正 比出面好系冇落劲多不必要嘅豉油 所以唔会过咸▶️ 凉拌手撕鸡 ($68)我系见佢menu张相好靓所以叫黎到都
要上楼上先系餐厅
望住餐牌都拣咗好耐 样样都好似好正
我哋都系试吓啲推介出名菜式先😆
▶️ 容记第一嘴 ($88)
🔥必食之选🔥卖相已经好吸引
一粒粒炸到金黄色 上面布满大量椒盐粒同脆脆 令佢脆上加脆🤩
因为佢外面粉唔太厚 入面成旧都系墨鱼🦑咬落好有嚼口
外皮超香脆 同时又干身👍🏻
另外跟一个酱汁 不过味道比椒盐淡 所以原先个椒盐味已经好足够好好食
容记第一嘴
$88
92 浏览
0 赞好
0 留言
▶️ 烧味双拼饭 ($42+4)
🐷烧味四选一 识拣梗系食叉烧同烧腩仔
话晒烧腩仔系米芝莲推介🥇
猪皮整到劲香脆😋腩肉感觉唔油腻 基本上瘦肉较多 只系夹住两薄层油脂令佢冇咁干
本身唔太食烧腩仔嘅我都觉得几好食👍🏻
反而叉烧就失色少少 唔系唔好食 但系不至于必食 有啲似屋企整嘅水准🙊
蜜汁味系有嘅 只系唔够多 望落去比较干身而唔系反光𠮶只
肉质唔韧 全瘦肉 可能因为咁而好干身 好嘅系佢会相对健康🤣
饭好多 可以两个人食🍚米粒粒分明唔太黏 但系就超有饭香味
配上少少叉烧酱食几正 比出面好系冇落劲多不必要嘅豉油 所以唔会过咸
烧味双拼饭
$46
194 浏览
0 赞好
0 留言
▶️ 凉拌手撕鸡 ($68)
我系见佢menu张相好靓所以叫
黎到都唔错 中间一堆鸡丝 两旁有腌海蜇 底就系青瓜片🥒
成碟最多就系芝麻酱 超级惹味😋同时有啲邪恶 不过𩠌饭好食
凉拌手撕鸡
$68
33 浏览
0 赞好
0 留言
🐔而且本身手丝鸡好滑嫩’湿润’ 唔会鞋口 同一般食嘅手丝鸡唔同
腌海蜇用咗另一种酱 微微酸味 口感爽爽地咁 同手丝鸡系绝配
青瓜就令成碟好清新 因为系冻食 所以可以当开胃菜咁食😌
▶️ 海鲜浓汤杂菜煲 ($108)
见openrice写话系热门菜式
成煲上份量好大 仲好热辣辣 🍲
虽然无相放得咁整齐😂不过见到材料丰富嘅
海鲜有带子粒、虾、珊瑚蚌🦐
杂菜有西兰花、娃娃菜、生菜、冬菇🥦
另外仲有好多粉丝
海鲜浓汤杂菜煲
$108
27 浏览
0 赞好
0 留言
杂菜好难话好唔好食 只能说佢算新鲜 唔系用啲烂头烂尾🥬
海鲜就一般 因为比较细粒
但系几欣赏系汤底❤️淡淡地又入味 饮完唔觉好味精 有啲啲鲜甜添
成个煲感觉好健康
-
整体觉得佢调味煮功好好👍🏻用料新鲜 材料丰富 份量啱啱好
同埋佢比起一般中菜馆健康 用油较少 少盐少糖 但又保持到味道质素
加上佢选择超级多 可以黎饮茶🫖或者当茶餐厅咁食个碟头饭 或者打冷咁食𩠌 又或者食豪啲食海鲜餐🦞
因为系楼上舖 所以即使起太子 感觉唔会好嘈 环境几舒服 窗边位可以望到街外景🏙
服务都好好 姐姐醒目 做野快手而不失礼貌☺️有加一 卖单$378/两个人 真系好饱
最好系佢贵有贵食 平又可以好平 悉随尊便 如果一个人晏昼黎叫个烧味饭已经好满足🥢
特别推介大家试 「容记第一嘴」！
张贴
