喜來稀肉 (已結業)

呢间喜来稀肉都开咗好多年，食过好多次依然保持到水准😆韩烧一定要叫五花腩！一份有四条，每条都好厚身肥瘦适中😛 五花腩用咗酱油去腌，几入味，唔会好咸😋 另外有一篮生菜包，配埋泡菜食冇咁滞。五花腩系成条过，所以要自己剪，餐厅有提供较剪，唔错👍🏻 食完肉要叫返啲汤平衡下，推介呢度嘅雪浓汤 ，同喺韩国饮到嘅差唔多。入面有大葱、牛肉同粉丝。汤底系奶白色，饮落有淡淡嘅牛骨味，几好饮😋最后叫咗个蟹籽紫菜饭团同朋友share，份量都好多。蟹籽同紫菜都好多，可以用手套捞匀。每旧饭团都痴满蟹籽同紫菜，一齐食好夹👍🏻