甜魔魔 (已結業)

自从上一次带男朋友食过一次之后，男朋友就一直对佢佢个椰皇甜品念念不忘，所以今次难得入黎大埔，当然要再带佢食一次虽然铺头细细，而且地点偏僻，但真系长期都迫满人！之前传出佢执笠嘅消息，一直觉得好可惜。好彩今日去到仲见佢开紧，都算系老怀安慰！男朋友谂都唔谂，就决定叫番上次个公主冻椰$42，可想而知佢有几挂住呢个甜品呢个甜品最底层的是用椰皇水所做的啫喱，唔单止充满椰皇的清甜，而且非常爽滑! 啫喱上面放了一个椰奶做成的布甸，Q弹滑溜，同样充满椰香味，配埋周边的椰汁一起食，食落更香更滑除咗冻椰外，我地仲叫咗一个石板街朱古力窝夫$48，同样做得出色窝夫好浓朱古力味，食落唔会太甜，最重要系佢真系做到外脆内软，配埋侧边嘅雪糕、cream、棉花糖同蜜糖星星 一齐食，一冷一热，口感丰富，如果以甜品铺计，呢到都算系我最钟意嘅甜品铺啦👍🏻👍🏻