金牛苑法式越南菜(香港)

营业中

休息中

金牛苑嘅「南乳烧鸡」系必食推介🤩我哋每一次去都会嗌！今次见到午市套餐已经有南乳烧鸡，所以就叫个套餐。不过实在太好食喇，我哋于是再嗌多半只！南乳烧鸡外皮烧得「令立立」，一啖咬落去仲「脆卜卜」，真系做到皮脆肉嫩。其实唔沾个南乳汁已经好好食，不过沾埋就更加滋味无穷😋重点介绍完个烧鸡之后，讲返个套餐。个四人餐仲有拼盘（春卷、牛肉虾饼、扎肉）、南瓜海皇羹、马拉盏炒芥兰、虾仁扎肉干炒檬同甜品。拼盘嘅春卷同埋牛肉虾饼都炸得好脆，放咗一阵先食都唔会淋晒。个扎肉嘅胡椒粉就多咗少少，小朋友食唔到。南瓜海皇羮好足料，有虾肉、蟹肉同带子。味道香甜浓郁，饮完都饱咗一半。马拉盏炒芥兰炒得好惹味，唔会太咸，不过啲菜梗就好似多咗啲😆虾仁扎肉炒干檬炒得干身有镬气，虾仁亦都好大只而扎肉都系同拼盘𠮶一款，好重胡椒味。甜品就系糖水或椰汁拉糕，我哋拣咗拉糕。细细块，烟烟靭靭都做得唔错。环境方面，我特别钟意金牛苑有独立洗手间而且非常干净！（哈哈，呢一方面都好重要😆）餐厅分开三层，如果推BB车就唔系好方便。一系泊喺门口，一系就要拎架车上楼梯。