壹食就醉

营业中

休息中

喺尖沙咀揾食真系唔易，太多选择，真系好考眼缘，行到金巴利道呢边，见到有个姐姐派紧传单，咁啱佢又递张纸埋嚟比我睇，仲话有嘢饮送，反正都谂唔到食咩就嚟试吓啦。打开餐牌真系样样都咁想食，虽则话女仔有两个胃啫，但都食唔得晒㗎嘛最后两个人就拣咗清酒卜卜蚬同黄金虾两个𩠌食啦。个姐姐再提一提我哋，分享同like咗page就有一渣饮品送，拣咗竹庶茅根，好清甜重头戏卜卜蚬嚟啦，职员好细心咁定时就帮我哋捞一捞佢，再喺差不多食得嘅时候加清酒。望住啲蚬逐粒逐粒卜都真系好过瘾！啲蚬大大只，食落好鲜味！啲汤饮落都好有酒味啊！黄金虾脆卜卜，咸蛋味好浓，一路食都唔会有腻嘅感觉。