巴打火鍋館 (裝修中)

最近天气开始凉返，开始心郁郁想打边炉，今日去咗元朗买嘢，喺YOHO附近见到呢间巴打火锅都几多人，多人食既实唔差，入到去原来系几个舖位打通，都几大，到咗八点左右就全场满座，迟吓再黎最好订定座就最安全胡椒猪肚汤有唔少腐竹，猪肚同酸菜，汤底初时只带微微嘅胡椒味，当到打到中后时段个胡椒味就好突出，而猪肚都已经够腍，仲有少少嘅胡椒香辣味饺子拼盘有芫荽，云吞同韭菜饺，云吞入面有大大只虾同云吞舖食到嘅质素差唔多，而我最钟意嘅就系芫荽饺，芫荽味香浓，加上猪肉香甜，真系唔错北海道蟹棒呢个蟹棒味道正常，渌一阵都唔会好易散开美国雪花肥牛呢款肥牛，虽然睇落好似好少油脂，但渌熟后又唔会鞋同埋都食到牛肉既香甜，牛肉味都几出，又大碟，几抵食丸类拼盘有芝士肠，鱼片头，芥末芝士丸，芝士鱼蛋同炙烧芝心丸，呢个拼盘都几好手，啱晒两个人嘅份量，可以试多啲款式即炸紫菜响铃响铃真系新鲜制作，上到枱仲feel到有热热地，放入汤底渌几秒，都仲有微脆嘅口感，加上中间紫菜香味，令味道更丰富皇帝菜皇帝菜份量大又新鲜，放入汤底渌三到五分钟，超好味😋生力啤打边炉梗系要饮返支冻啤酒，一路食一边啤啤佢