坂奈 (已結業)

今日黎左一间好有日式味道既居酒屋，店内座位唔算好多，想去记得book定位。呢度主打系食原条烧鱼。一去到师傅问我地有冇咩特别想食。我地话冇，佢就拎左一盘当日新鲜既鱼逐一介绍。听完介绍后，我地决定拣时令鱼赤鯥同秋刀鱼。拣完之后师傅会立即帮你烧，即叫即做！赤鯥比较罕见，鱼质非常嫩滑，油份岩岩好，完全唔需要配汁都好够味！而秋刀鱼都好好食，比一般秋刀鱼大条，鱼味都好出，鱼皮仲烧到好香脆，加少少柠檬汁好开胃！烧鱼加$30可变餐，有饭，面豉汤，一个前菜同汁煮物，够哂丰富。除左鱼，我地都加左d小食。包括烟熏罗白芝士，罗白好爽口配厚厚的芝士，估唔到呢个咁特别既组合出奇地夹。另外叫左一碟三只既烧白贝，好重既清酒味，白贝size都好大，但肉质完全唔硬，烧得刚刚好。整体来说，呢度既食物质素好高，同师傅互动都好多，系同朋友倾下计既好地方。