西苑酒家

营业中

休息中

庆祝周年纪念日，决定拣西苑食中餐，目标系享负盛名嘅爵士汤和一哥叉烧。早一日电话订位食晚饭，当日准时到达，被安排坐大厅，大厅大概有15张枱左右，枱与枱之间有足够空位，唔会太挤迫。两个人食饭，叫咗1.爵士汤半煲，2.例牌一哥叉烧，3.重庆鸡煲（半只鸡），4.海鲜泡饭。-爵士汤：总共有四碗，汤渣有响螺，点豉油好味，老火汤够味，好味，但饮唔出蜜瓜嘅甜味。-例牌一哥叉烧：有十二旧，每旧都有一定厚度，味香、肥瘦适中，蜜汁有甜味唔会太咸，好！-重庆鸡煲：香喷喷，少辣，煲内料头多，有莲藕薄片，爽口，唔会死咸。-海鲜泡饭：真系好好食，海鲜味够清甜，加上脆米，口感一流，值得推介！另外，想提一提嘅就系员工嘅服务态度，睇其他报告讲佢哋嘅服务态度好差，食完成餐饭我又唔系好觉，老食店老员工，态度重好亲切添。总括来讲，满意嘅一餐晚饭，肯定会翻食。