叉燒大王

营业中

休息中

上次去沙田围食日本野，经过一间卖叉烧既餐厅好多人食，所以星期五晚想出街食就专程黎试下。入座时我地算比较早到，唔驶等位，但食食下就见到坐满哂，好彩黎得早。专程黎到，梗系要试吓佢呢度最出名嘅叉烧，八十八蚊有个例牌，都几大碟，两个人够食有余之外，最重要既就系叉烧肥瘦适中，每旧斩得黎有份量但入口又要唔洗用力咬，蜜糖汁好香入晒味。天气寒冷，拣左个铁板黑椒牛仔骨，铁板上冇咁快冻，上台先「渣渣」声香气扑鼻，黑椒味浓配搭啲红椒青椒岩岩好，牛仔骨都几多肉唔会好肥。叫咗两个肉，点都要叫返个菜，就拣咗金银蛋豆苗，好大碗，豆苗好鲜甜。咸蛋皮蛋捞饭食好夹。两个人叫三个𩠌一人一碗饭真系够晒数，食到好饱。餐厅除左堂食，仲有个外卖部，见到好多人帮衬，个个都斩料返屋企加𩠌。