饞。台式食堂

营业中

休息中

去K11 Musea行街，未到食饭时间就开始肚饿😋一于揾嘢食🤤响B2层见到呢间台式嘅餐厅，见几新净又明亮，决定入去试下🥴叫咗花雕鸡面，原本都系谂住一般嘅醉鸡味道，但系今次真系有啲喜出望外，佢原来系药膳嘅花雕味，唔浓唔淡，恰如其分咁讨好👍另外又叫咗塔香排骨，炸得好脆，肉味都算几出，同碟嘅椰菜有啲似沙律，两者平衡得好好😙小食花枝丸就不过不失，但系即叫即炸，好香口够弹牙😁今日天气好热，叫咗杯朱古力沙冰，上面原来加咗奶盖，好香嘅芝士奶盖味，同浓浓嘅朱古力味混合嚟饮，原来系咁特别，呢杯饮品从未响其他食店试过，值得推介。