南苑海鮮酒家

营业中

休息中

同老豆一齐嚟食我哋成日嚟嘅南苑海鲜酒家，呢度嘅环境宽阔又舒适，食物好味又有水准。餐牌上嘅选择都好多，但系我哋最钟意食嘅系以下呢三样美食。最钟意就系呢度嘅羊腩煲，仲配埋腐乳酱同埋一份生菜，一上台就已经系香味四溢。羊肉经过焖煮之后口感非常之嫩滑，入口即化。而浓郁嘅汤底味道好鲜甜，甜中仲带微咸，完全冇羊嘅骚味，羊肉配埋生菜一齐食，简直系一流。新鲜嘅元朗杨氏乌头真系肉鲜甜可口，仲有两种唔同嘅味道，一边系咸柠檬，一边系半豉汁。咸柠檬带有酸甘嘅味道，而且仲有咸嘅滋味，味道非常丰富。而豉汁嘅味道唔会太咸，反而仲咸香味道十足，比起咸柠檬更加凸显咗成个菜式嘅味道。叉烧更加唔使讲，系大多数人都钟意食嘅美食。叉烧切得唔厚唔薄，味道甜咸适中，口感更加系非常之嫩滑。