四川重口味

营业中

休息中

筲箕湾东大街出晒名好多选择，好多美食。今日适逢重游旧地，见到呢间四川菜新开张，天气又转冷，急不及待要试一试。餐牌好多选择，基本四川名菜、冷暖热荤都好齐全，亦好似好吸引。几经挣扎之下，叫左四川龙腾鸡煲，酸菜鱼，同埋冷盘莴笋。四川龙腾鸡煲叫左小辣，但浓香味重，鸡件数多，肉质都好嫩滑，入面仲有惹味既洋葱同蒜头同埋索晒辣汁既薯仔，真系食唔停口。酸菜鱼呢个菜式理应唔洗再多介绍，但系重口味既酸辣调味调到刚刚好，食完唔会口干，鲜嫩既鱼片多到2个人都食唔晒。冷盘莴笋特意叫左呢个，可以中和食鸡煲同酸辣鱼嘅辣味，2个人食都好够饱。其实餐牌仲有好多好野食，例如孔明烤鱼等，舖面积都好大，分两层，啱晒同成班朋友或者约屋企人再嚟食鸡煲打个边炉。