神廚館 墨東東店 (已結業)

今日去大角咀，试试大名鼎鼎的墨鱼饼。点了三款嘢食：皇牌窝烧墨鱼饼配太阳蛋汤米线、芝士墨脆鱼柳堡配薯角、墨脆鸡小食。墨鱼饼名不虚全，有粒粒墨鱼肉，真材实料，炸得外层香脆，内里的墨鱼胶弹牙得黎又有少许烟韧，有墨鱼鲜味。芝士墨脆鱼柳堡个包焗得好香脆，虽然成个都黑色，但系食落去又好似冇咩墨鱼汁味。鱼柳算厚身，同样有薄薄墨鱼汁炸浆，所以成块黑色，一样冇咩特别墨鱼汁味。配薄荷沙律酱味道略嫌有点古怪，配普通沙律酱或千岛酱会更好。薯角分量足，热辣辣，好食。炸鸡一样用墨鱼汁炸浆，看似炭粒，但炸得刚好，不会太干，非常香脆，配上甜辣酱几惹味。