翁記上海館 (已結業)

慈云山哩个地方真系好少去，原来要喺黄大仙站再搭小巴，或者行上山Oz... 我地紧系搭小巴啦！落左车之后发觉原来哩度都几多野食嫁㖞😃花雕醉鸡… 哩度有唔少冷盆前菜拣，其中我就叫左哩个鸡，浸住鸡既汁相对只鸡黎讲好重花雕味！鸡肉都几嫩滑，可能系冻食既关系，就算食埋鸡皮都唔觉油腻。阿翁上汤小龙包… 佢地既小龙包真系好好卖，我地咁岩净番最后一笼😜 佢地既小龙包全部都系即叫即蒸，薄薄既小笼包皮包住旧鲜肉，仲有好多汤汁！重点系唔会过油！沾一沾附上既姜醋一齐食真系几正嫁😋排骨炒年糕…我最钟意就系食烟韧野，所以黎到一定会点番个年糕食！排骨份量都有成七至八件，肉质唔鞋口。年糕切得大大片！每一啖都好有咬劲够哂烟韧嫁😋 仲有娃娃菜一齐炒带黎清新感觉。不过整体有d油，好快就腻了。酒酿桂花汤圆…又系烟韧既东东😁 汤圆似系用左宁波汤圆，细细粒，入面全部都系黑芝麻馅，糯米皮够烟韧软糯，配上清甜既桂花糖同埋酒糟，真系哩餐饭既一个完美句号。