鳥山。商號 (已結業)

鸟山。商号系走日系简约装修风格嘅台式 cafe，店入面坐位好少，所以通常都要排队，我去𠮶日好好彩，居然可以 walk in😁。必食嘅镇店之宝台中大甲芋泥卷果然名不虚传，出面嘅蛋糕软绵有蛋香，入面嘅芋泥唔单止芋头味道浓郁，而且口感绵密，仲食得出有芋蓉粒同丝，真心好食，最重要系唔太甜，绝对啱我口味。叫多杯 Dirty，呢杯虽然都唔错，奶啡比例正常，不过外表就唔太 dirty，上枱嘅时候奶同啡已经混埋一齐，要扣分啦。值得一提系店入面好多旅游书籍，其中以台湾为主题嘅最多，非常好睇，如果唔系出面有人等紧位，边饮啡边睇书，真系可以消磨成个下昼。