Good Good (已結業)

我哋2日前先决定去食，即刻上网订位，点知full哂。朋友前一日去睇，好好彩有人取消咗booking，我哋先可以成功订到位。当日午餐时段都几full，连bar枱都坐满人。上层楼梯位置放有餐牌同水壶、杯，食客可以自己去斟水饮。五目天丼 ($118)食材有羽衣甘蓝、南瓜、茄子、秋葵同溏心蛋。天妇罗表面撒有海苔粉。羽衣甘蓝天妇罗劲好食，好脆口、好香海苔嘅味道，感觉似食紧紫菜味薯片。饭底淋咗豉油，咸咸哋几好食，份量适中。溏心蛋相对比较普通，冇流心嘅效果，口感似烚蛋。面豉汤嘅配料有白萝卜、海带、白灵菇。配菜有腌黄芽白同昆布豆腐卜，两样都几好食。夏日狂桃 ($88) (只卖到8月尾)底部白色嘅部分类似焦糖脆饼，味道甜甜哋，入口即化。脆饼上面放咗一层薄嘅蛋糕，被杏仁片围住。将甜品不同部分一齐食，会食到有橙香，感觉几清新。最表面放咗白桃，白桃味道爽甜。