楚撚記大排檔 (寶光大廈)

营业中

休息中

听就听得多，以为只系名气，原来楚撚记d小菜真系坚出色，食到我lam lam脷😋秘制热辣辣麻辣鸡煲（半只）超香既鸡煲!! 酱汁超惹味麻香辣🌶️足料丰富，鸡件多肉挂满汁啖啖都超香😋另外好中意个莲藕好爽脆，仲有豆卜又系索哂汁超正!燕麦金沙虾球好特别食落有燕麦香又甜甜地，虾球大粒弹牙加埋燕麦片既口感有唔同层次。黄沙猪润杞子浸时蔬猪润大块新鲜无腥味，咬落去爽爽地哩种我就最中意👍🏻白菜仔爽脆配上清甜汤头，平衡番哂鸡煲既腻!怀旧猪油捞饭(复刻版）哩度竟然有猪油捞饭，肥都要食呀真系😈仲要用怀旧感十足既砵黎装饭，香到不得了🤤系值得长期捧场既小菜馆👍🏻