八居酒屋 (天文臺道) (已結業)

途经天文台道发现原来呢度隐藏咗间日式居酒屋🙈 小店主打多款日本料理，最出名应该系串烧，包括鹿儿岛A4和牛、牛油帆立贝等，仲有最受欢迎嘅炸物、刺身、寿司、主食、日本酒，几适合同朋友嚟chill吓～ 每次到居酒屋一定会食串烧😛 呢度嘅款式都几多，鸡翼大大件，烧得好香，外皮微脆，肉质嫩滑，而且好juicy！鸡肉有两串，上面涂满甜甜嘅酱汁，感觉更加惹味～ 鸡骨肠比较少见，卖相可爱，外皮脆脆，内里软嘅，口感好好😍 大葱鸡肉串又系经典料理，会话呢度嘅鸡肉质素好稳定，样样有料，性价比高，可以一试！食完肉就到菜啦！烟三文鱼沙律细细碗，三文鱼咸香味十足，配埋清新嘅沙律即刻解腻😆 另外有露笋、冬菇、秋葵同蕃薯，个人最钟意蕃薯，估唔到可以咁甜，又香又软，好味道👅 甜品以年糕串作结，呢个真系不得之了，软糯带点烟韧，好想食多几串🥺