忠記咖啡屋‧私房菜 (已結業)

大伯生日，老人家嗜中菜，我地就带咗佢去忠记私房菜庆祝！私房菜位于渣甸中心，星期六未够七点已经满一半客人，基本上唔订位都冇得食！餐牌嘅菜式极多，煎炒煮炸煲乜都有！我地四个人就点咗四个𩠌！椒盐黄金豆腐 - 呢个豆腐外脆内软，又够惹味，粒粒饱满，正！芥末蒜泥牛脷 - 平时食饭去叫牛脷，通过得好少，不过呢度唔同，劲足料，芥末出其地夹，又刺激，加埋蒜香食，好正喔！粟米黄金斑块 - 呢个唔系平时碟头饭𠮶啲斑块，系符合商品说明条例嘅斑块粟米汁好清香，斑块炸到好脆，简直唔平凡，系好好味！竹笙罗汉上素 - 食得太多肉，系时候要食返啲菜，呢个上素有我最钟意嘅竹笙，又唔会太寡冇味，值得大家一试㗎！食物嘅价钱真系好抵，仲要喺铜锣湾，食物质素同大酒楼冇分别，推荐！私房菜真系一个好地方！