堅信號上海生煎皇 (形點 II)

营业中

休息中

老妈子想食生煎包而佢又未食过坚信号，于是就带佢黎试下。我地叫左：生煎包2只、鸡丝粉皮、上海粗炒、酸辣汤同冻热豆浆各一。生煎包个底煎得够脆，里面汤汁好多，一咬即爆汁，请左我头发饮左啖汤😅在我黎讲生煎包系好味嘅，但要求高嘅老妈子食完就话味道系OK，但食得出个包系包好左一段时间先攞去煎，我自己就食唔出😂(但我好明白而家真系好难有店可以做到即点即包即煎)身为配角嘅鸡丝粉皮老妈子就盛赞粉皮唔会好厚够爽口，不过麻酱就少左啲。上海粗炒都好食，面条够烟靭，唔算太油，可惜老妈子唔钟意食回锅肉粗炒，好想食回锅肉😔最后个酸辣汤闻落去有阵轻微𤓓味😑虽然饮落去又冇咩问题。好在呢度嘅汤唔系好杰果只，好怕饮到啲杰到爆嘅酸辣汤，如果味道可以再酸啲辣啲就好。