影片
更多
2025-02-05
88 浏览
餐厅：逸东小馆 (大埔)地址：大埔东昌街2号地舖逸东饺子两个几月前，喺大埔东昌街呢度开咗间姊妹餐厅——逸东小馆，佢哋主打招牌鸡汤手工云吞同招牌鸡汤面🍜，亦都有捞面、担担面、客饭、菜饭同各款自家制逸东小食，价钱亲民，足料又够住家feel，吸引咗唔少附近街坊朋友过嚟食饭🥰餐厅唔算大间，不过因为上菜速度快嘅关系，客人基本上食完好快就走，所以源源不绝嘅客人都可以有位坐🤓，亦有唔少人选择外卖佢哋嘅生云吞同鸡汤返去自己煮嚟食🥡✝️花胶鸡通心米线 $85逸东小馆最贵嘅主食，但其实$85真喺物超所值😎，超夸张劲大块嘅花胶，足足半个碗嘅Size咁大块，仲要爽滑有2-3cm厚，骨胶原质感爆灯😆；汤底喺师傅每日用鸡只去熬煮🐓，清香得嚟唔会好多油，鸡味都几出众，鸡件多肉有鸡香，嫩滑唔嚡口，配埋出面好少有、似通粉空心又有米线质感嘅通心米线一齐食，都真心几大碗又饱肚👍✝️脆炸猪扒担担面 $55对比鸡汤面嘅话，个人认为担担面相对逊色一啲，汤底味道比较咸香，一啲都唔辣，当中有榨菜、肉碎、花生碎、虾米等配料，面线爽弹带有少少烟靭质感😋，特别一赞猪扒皮薄脆肉鲜嫩，最重要唔会好油腻，可以一试✝️冬菇虫草花鲜肉云吞并麻辣鸡鲜肉云吞
地址：大埔东昌街2号地舖
逸东饺子两个几月前，喺大埔东昌街呢度开咗间姊妹餐厅——逸东小馆，佢哋主打招牌鸡汤手工云吞同招牌鸡汤面🍜，亦都有捞面、担担面、客饭、菜饭同各款自家制逸东小食，价钱亲民，足料又够住家feel，吸引咗唔少附近街坊朋友过嚟食饭🥰
餐厅唔算大间，不过因为上菜速度快嘅关系，客人基本上食完好快就走，所以源源不绝嘅客人都可以有位坐🤓，亦有唔少人选择外卖佢哋嘅生云吞同鸡汤返去自己煮嚟食🥡
✝️花胶鸡通心米线 $85
逸东小馆最贵嘅主食，但其实$85真喺物超所值😎，
超夸张劲大块嘅花胶，足足半个碗嘅Size咁大块，仲要爽滑有2-3cm厚，骨胶原质感爆灯😆；汤底喺师傅每日用鸡只去熬煮🐓，清香得嚟唔会好多油，鸡味都几出众，鸡件多肉有鸡香，嫩滑唔嚡口，
配埋出面好少有、似通粉空心又有米线质感嘅通心米线一齐食，都真心几大碗又饱肚👍
✝️脆炸猪扒担担面 $55
对比鸡汤面嘅话，个人认为担担面相对逊色一啲，汤底味道比较咸香，
一啲都唔辣，当中有榨菜、肉碎、花生碎、虾米等配料，面线爽弹带有少少烟靭质感😋，
特别一赞猪扒皮薄脆肉鲜嫩，最重要唔会好油腻，可以一试
✝️冬菇虫草花鲜肉云吞并麻辣鸡鲜肉云吞(八只) $60
所有云吞都喺自家制，无论喺云吞皮定喺馅料都喺自己打，叫咗双拼要加两蚊，以较高价钱嘅云吞去计，
前者鲜香健康，
后者麻辣惹味又爆汁💦，云吞皮够大块，食完饱肚感大增⬆️
饮品叫咗个非基因改造嘅石磨豆浆(+$10)同桂花元肉乌龙茶(+$14)，估唔到佢哋咁有心自己冷泡咗好几款茶🌱，仲有热情果玄米绿茶、苹果茉莉花茶同玫瑰荔枝茉莉茶拣呢😙
张贴
