潮食 (順欣花園) (已結業)

我一向好钟意食鸡蛋仔，但好多买肠粉/粉面既店铺面会顺便整埋原味既街蛋仔，但呢间就完全唔同啦！间舖系有好多款口味俾你选择，我食过好多唔同口味，绿茶、花生等等，最好味始终系朱古力夹心鸡蛋仔，叫既时候千奇唔好只讲朱古力鸡蛋仔，一定要加夹心，因为系有分别嫁！朱古力夹心鸡蛋仔系每粒鸡蛋仔面有独立细细粒既朱古力，我最欣赏系一咬落去朱古力会融化，真系好好食！虽然位置系有少少偏避，但都绝对值得去揾呢间小店，不过有时多人叫鸡蛋仔，可能都要等多一阵，始终小店人手有限，大家都体谅既。