潮食 (順欣花園) (已結業)

囡囡想食雞蛋仔本身諗住去上面嗰間小食店買雞蛋仔但上次食過麻麻跟住就諗住搵吓有冇其他小食店有得賣呢間舖頭仔唔係好顯眼真係要去特登搵先搵到咁啱係馬路對面見到有得賣即刻買一底仲有好多味有朱古力有綠茶仲有豬柳蛋但因為囡囡仲細只可以食原味估唔到外脆內軟有好香嘅雞蛋味 鹹甜適中估唔到有咁高質嘅雞蛋仔食完一粒仲想食多粒可以改進嘅係可以個口感再豐厚啲拍得住媽咪雞蛋仔👍🏻👍🏻舖頭仔細細真係估唔到下次會再encore

唔係第一次食呢間雞蛋仔見到塊板仔寫左新口味：咸蛋黃雞蛋仔呢間鋪人手比較少，要多d時間等，但OK一拎到個雞蛋仔，就已經聞到咸蛋黃香外脆內軟就一定架啦咸蛋黃碎多但唔平勻，但係必然同可接受極力推薦題外話，我唔建議夾心雞蛋仔試過手撕雞雞蛋仔只可以話成件事係錯哂店主倒不如試下手撕雞夾餅

多口味多元化既雞蛋仔，特別啲既有原隻蛋既雞蛋仔，有綠茶系列同夾心系列。剩係朱古力味都有好幾款唔同既配搭。我通常都買一份原味俾小朋友，再自己叫一份夾心朱古力配朱古力味漿，夾心系列算係貴價系列，但好濃郁，係好食既，如果喜歡朱古力既，真係要試下夾心系列既朱古力味。因為即叫即整，通常都要等10分鐘或以上。原味雞蛋仔其實同平時啲雞蛋仔都有啲分別，另外佢仲有其他小食，例如手爪餅、手撕雞。但最近好似停左腸粉。。

已經唔係第一次嚟呢間小食店買嘢食啦！今次叫咗一個朱古力夾心雞蛋仔同埋煎餅！先講下呢度嘅雞蛋仔真係無得輸啊，佢有好多唔同嘅款選擇嘅，不過始終都係鍾情於朱古力夾心雞蛋仔！你係會食到朱古力漿既夾心，係超級濃嘅朱古力！而煎餅係我第一次食嘅，估唔到有幾夾喎入邊呢系有好多唔同嘅材料，有菜、蛋、薄脆，我仲加咗個漢堡扒添，配埋沙律醬又出奇地好好食喎！而且表面煎得好香脆！因為真係太好食啦，所以連相都唔記得影，絕對推介呢啲小店，唔好俾佢哋執笠呀！

曾經上過雜誌嘅雞蛋仔，到底有乜嘢咁吸引呢？🤔今日就嚟試一試佢，見佢定價唔平鋪仔細細，除咗雞蛋仔，格仔餅，竟然仲有腸粉、牛腩飯睇嚟呢度都做好多學生仔生意由於臨近放工時間，叫咗一底雞蛋仔試吓🟡抹茶朱古力粒雞蛋仔🧇都要成$20一底呀，街坊鋪頭來講，唔算太平以為係一底啦，點知拎出嚟，其實得半底有少少呃秤嘅感覺👎🏻講完份量，講下味道濃濃嘅綠茶味🍵，配上漏心嘅朱古力🍫真係做到外脆內軟嘅感覺出到嚟唔會硬骨骨，或者林啤啤好過謝霆鋒嘅雞蛋仔好多😂💁🏻‍♀️街坊食肆來講，價錢偏貴，分量呃秤但食物質素唔錯如果收銀姐姐可以有啲禮貌或者笑容就好啦

作為鋪頭啱啱開舖已經有幫襯嘅學生 就算而家唔使喺嗰邊返學 間中都會特登行過去幫襯但係真係一次比一次失望 無論係味道同埋服務方便我知間鋪頭成人好忙 得幾個人做曬所有野 所以平時都唔會催而今日去到企係收銀等落單 店員望咗我一眼 連等一陣都冇講就繼續做自己野我都冇介意過。。。（但其實我後邊剩係得兩個客）但企喺度等左幾分鐘佢終於幫我我落單 但落錯單我都有友善咁同佢講返我落嘅係第二個佢叫我等等之後就叫第二個同事俾返$4我 我問多一句「咁係咪就可以㗎啦？」都冇人覆我。。。睇嚟佢哋每一位都惜字如金等到嘢食出嚟之後 雞蛋仔已經係基本上唔熱嘅仲要有個上下分開埋 散曬 跌晒出嚟。。。而味道已經唔可以同一開鋪相比。。。雖然呢篇評論都未必比佢哋睇到，但諗返起一開始老闆研發出嚟嘅同整出嚟嘅雞蛋仔嘅味道，仲會間中同我地啲學生傾吓計，對比番而家真係失望左好多

雞蛋仔款式特別，石磨腸粉配搭亦新穎，推介手撕雞腸粉！今日閒日下午都有唔少人等緊，即刻快快手落單，叫咗朱古力味雞蛋仔，係外皮朱古力色入面有朱古力粒嘅雞蛋仔，而佢哋有夾心朱古力雞蛋仔係整嘅時候將雞蛋仔唔反轉但中間放朱古力醬再對摺，下次一定試吓呢個極邪惡版本朱古力味中間朱古力粒半溶正！唔會太甜，外脆內軟👍🏻然後點咗手撕雞腸粉，仲可以好似平時食腸粉咁選甜/麻/辣醬，但由於我點手撕雞味覺得麻醬最夾，淨係要咗麻醬佢亦會配盒豉油，豉油係調味過唔會過咸，配合腸粉好好食😋腸粉口感唔錯，雖然唔係平時個種平滑狀態，但口感仍然係滑同有種米漿香甜味，手撕雞係沙薑味咸咸地配麻醬同豉油真係超正！值得一試👍🏻

好耐之前食過，堅好味但過左排左超過半個鍾因為即叫即整今次難得路過見少人所以叫番個食椒鹽蛋雞蛋仔當年食真係一鳴驚人今次食普通左好多做唔到粒粒脆，外脆外軟失色左d但都ok唔洗排可以一食

上水食肆舖頭越開越小的時期。呢個小食舖好特別打出一條路出來。雖然賣的小食。是一些大家好普通的香港傳統小食。但因為外賣的盛行。令這些微細香港傳統小食得以發陽光大。焦糖雞旦仔。入口尤甜美味。。。

上水有一間在區內都頗為出名的小食店-潮食，很多時放學同假日，都會見到不少人聚於門前購買小食，我最喜歡吃這間小店的雞蛋仔，全因有heart！.🥰夾心朱古力雞蛋仔（$20)🥰.這間鋪頭除了店員製作食物有heart,每底雞蛋仔即叫即製，捧上手熱辣辣，外型粒粒飽滿。 我所叫的這底雞蛋仔，確實有heart, 夾心朱古力的內餡完全沒有偷工減料，滿滿程度幾乎溢瀉，店員邊燒邊聞到好香朱古力及濃郁蛋香味，大推👍🏻👍🏻👍🏻

我一向好鍾意食雞蛋仔，但好多買腸粉/粉麵既店鋪麵會順便整埋原味既街蛋仔，但呢間就完全唔同啦！間舖係有好多款口味俾你選擇，我食過好多唔同口味，綠茶、花生等等，最好味始終係朱古力夾心雞蛋仔，叫既時候千奇唔好只講朱古力雞蛋仔，一定要加夾心，因為係有分別嫁！朱古力夾心雞蛋仔係每粒雞蛋仔麵有獨立細細粒既朱古力，我最欣賞係一咬落去朱古力會融化，真係好好食！雖然位置係有少少偏避，但都絕對值得去搵呢間小店，不過有時多人叫雞蛋仔，可能都要等多一陣，始終小店人手有限，大家都體諒既。

呢間之前都帶過朋友黎食！難得去上水一定要食！焦糖雞蛋仔$20 採用澳洲進口牛油日本麵粉 新鮮雞蛋🥚同牛奶🥛 牛油同蛋香都係最佳比例！加入焦糖溶左再添一份甜！表層都好脆嫁 不過建議即食 如果唔係好快淋 多人買左 風乾時間唔夠🙁但都好好食！仲有好多味道選擇嫁除左食雞蛋仔之外 其實呢間d腸粉都好好食！由佢開店就一直幫襯！最初只賣雞蛋仔，之後仲開多間店賣廣州櫃桶式石磨即拉腸粉！即係而家好興既皺皮腸粉 食過唔少間 始終覺得呢間CP高！希望快d試埋深水埗同大埔果2間再作比較！轉左個外賣盒之外其他都冇變 即叫即做 夠熱夠薄同夠滑！叉燒腸加到$20！ 加埋個醬汁一流呀！叉燒比較細粒，但通常都係食叉腸，手撕雞都多人叫，佢仲有好多口味！

呢間小食店主打雞蛋仔,格仔餅! 呢度既雞蛋仔口味愈出愈多!記得岩岩開既時候最出名係椒鹽蛋雞蛋仔!而家既口味多到連豬柳蛋味, 手撕雞味雞蛋仔都有!!!唔好以為呢間店既定價低就會交行貨, 相反, 佢係落勁足料! D料多到好似唔洗錢咁!所以粒粒雞蛋仔都有滿滿既餡料!呢間小店既格仔餅都唔會比佢出色百變既雞蛋仔被比下去, 佢既格仔餅除左足料仲好厚底!餅底同餡料加埋係MARK到個口好大先勉強咬得哂!仲要係脆脆的,好鬆化的! 我食過蘋果肉桂味, 榛子味, 始終覺得原味最好食! 由於係即叫即做, 所以想食既人要比D耐性! 除左雞蛋仔,格仔餅, 仲有其他小食, 例如手撕雞! 手抓餅! 撈面! 腸粉等等! 全部都唔係HEA貨! 店舖位於上水, 想食既人就要比D誠意入去喇!

有一次上網search上水有咩好食叫到有人講起特別口味的雞蛋仔🥚🥚🥚而原來間店就係我要去既地方附近當然要試下啦~~🤭🤭🤭來到這家店鋪地方不大~沒有座位的~~應該只做外賣的~~🤔🤔🤔我去到時叫到有一兩個人都係等緊雞蛋仔👭聽到都係叫左朱古力味系列果d🍫佢d雞蛋仔有好多口味~正正常常的有朱古力🍫、抹茶🍵、咖啡☕等~特別d有豬柳蛋🐷、手撕雞🐥、椒鹽蛋🥚dd~~價錢由$12、$13到$25、$26~~價錢都算合理~🙆‍♀️🙆‍♀️🙆‍♀️豬柳蛋雞蛋仔 ($23)🐷🥚由於佢係即叫即做而我前面有人排緊隊所以我都要等大概10分鐘到先拎到手~~⏰⏰⏰佢門口張banner sell澳洲牛油、日本麵粉~😶其實我吃不出牛油、麵粉的分別~哈哈哈哈~🤣🤣🤣但因為係新鮮整好熱辣辣~~😚😚😚名符其實外脆內軟外表表面烤得好脆口而裡面則是軟軟的蛋糕~~並不是空殼雞蛋仔~~😎一咬落去每粒幾乎都有一小塊豬柳粒🐷(哈哈哈哈我見到員工很認真~~✌將一粒粒豬柳粒放到每一粒雞蛋仔內啦~~🤗)芝士味也很足夠🧀就像在吃豬柳蛋漢堡包🐷🥚不過外皮不是普通麵包是脆脆的~~甜甜的~~~🤤🤤🤤這雞蛋仔比我想像中更好味~~更夾的味道~~~咸咸甜甜的~不錯

「上水」對於我個人來說，可以說是頗為熟悉的地方，「上水」區內包括了舊墟以及公共屋邨區域，「上水」的舊墟「石湖墟」裡面有些老牌的港，式茶餐廳食店，至於屋邨區內的食肆，則來自多個規模大小各異的商場。「上水」各大不同商場，大概有四至五個左右，各大商場之間都會有天橋行人通道接駁，方便區內居民以及食客，由上水港鐵站開始出發，前往「上水」不同的商場，例如「新達廣場」以及「上水廣場」。食客從「上水港鐵站」出發，沿着「新達廣場」、「上水中心」、「上水名都商場」，走到盡頭的位置，就會發現有一個規模相對比較小，沒有冷氣商場，只有貼地地舖可以逛的私人屋苑「順欣花園」。就在連接「順欣花園」的行人天橋下面的舖位，就正正開了一間，售賣港式街頭小食的小食店，食店的名稱叫做「潮食」。所謂的「潮食」，當然就要追上香港近年的飲食文化趨勢，推出一些途人見到會購買的港式小食。「潮食」售賣的港式小食食品，而且鹹甜食兼備，包括有「雞蛋仔」、「格仔餅」、「手拉腸粉」以及「豬腸粉」。另一方面「潮食」又推出「米飯套餐」以及「外賣餸菜」，目的很明顯就是為了吸收附近的居民。由於我在中午的時候，在西貢食了不算很多的午飯，所以索性當日把午飯政