Terrace in seaside (海運大廈)

营业中

休息中

继续善用饮食券😆虽然海港城嘅饮食券出咗好耐，但其实佢𠮶个餐厅名单不停更新紧㗎！知道Terrace in Seaside都榜上有名，嗱嗱临同屋企人去食！济州柑橘乳酪——一嚟已经被佢杯嘢吸引咗！半个橙皮作为装饰，纸饮筒穿过橙皮，酸酸甜甜嘅柑橘乳酪，好醒胃梦幻紫薯牛奶——饮落去有香浓嘅紫薯同埋牛奶香味，呢只粉紫色究竟俘虏左几多少女嘅心！无骨炸鸡济州柑橘炸鸡——呢个系我认为最出色嘅！头先已经饮咗佢嘅柑橘乳酪，但系柑橘味嘅炸鸡又系另一番风味！炸鸡嘅肉质非常嫩滑，炸到啲皮卜卜脆，就算呢只酱汁配薯条都一样咁好食，必食！泡菜炖五花肉蛋包饭——蛋包饭整得非常之靓，五花肉炖到好林！配上kimchi又够韩国风味，又够新颖！传统紫菜包饭，真系好传统，冇乜太大惊喜但好食！喺呢就不得不点甜品Tiramisu + 水果忌廉三文治！超钟意佢只忌廉，唔系一般pancake入面𠮶啲蛋糕忌廉呀！面包又够松软，明明已经食到好饱都食得落🤭🤭