Lockeroom Dining (朗晴坊) (已結業)

今日同男朋友行完朗豪坊，就去左朗晴坊觅食。呢间以足球阿仙奴做主题，球迷不妨黎朝圣下。晚市提供套餐，包是日精选沙律、是日餐汤及蒜香牛油法包、主菜、餐饮，好抵。主菜拣左脆炸流心低卡芝士吉列西班牙橡树果黑毛猪柳同美国Creekstone牛肉眼拼法国鹅肝。沙律用透明罐装住，附有黑醋汁俾你自己落，新鲜开胃。甘笋汤，味道浓郁清甜。蒜香牛油法包外脆内软，好好食。脆炸流心低卡芝士吉列西班牙橡树果黑毛猪柳大大块，外层香脆，中间夹住芝士，一切芝士流晒出黎，好邪恶。美国Creekstone牛肉眼拼法国鹅肝既肉眼厚身，但比较韧。鹅肝肥美，好岩慢慢品尝。惠顾套餐可以以六折享用自家甜甜品一份，我叫左梳乎厘班戟$47。好有惊喜，班戟松软，入口即溶，唔系斋食空气，配曲奇雪糕食，超满足，一定要食！餐饮叫左冻柠茶同热咖啡。