Pancake House HoiHoi (荃新天地) (已結業)

之前一直好想食 ❥⧽𝐏𝐚𝐧𝐜𝐚𝐤𝐞 𝐇𝐨𝐮𝐬𝐞 𝐇𝐨𝐢𝐇𝐨𝐢 ❥⧽嘅梳乎厘班戟, 但系好多时都好多人, 今日特登喺non-peak hour 去, 终于食到喇。餐厅以浅木色系为主, 环境好舒适, 枱与枱之间嘅距离好足够。𓊈三重蜜瓜梳乎厘班戟𓊉蜜瓜梳乎厘班戟个卖相好靓呀! 面层嘅忌廉充满蜜瓜味, 好香, 食落一d 都唔甜, 班戟好松软, 软绵绵, 中间有士多啤梨果肉做夹心, 甜甜酸酸, 唔觉唔觉就食晒, 真系好好味!𓊈铁板名古屋茄汁海虾肠片意粉𓊉用铁板上嘅意粉热辣辣, 有4只大虾喺4 边角, 只只都好大只又爽口, 意粉挂满茄汁好开胃, 底层仲有蛋饼, 又靓又好食!𓊈曲奇沙冰𓊉喺热辣辣嘅时候饮一杯沙冰真系凉浸浸, 虽然系Cookie & cream, 但系一d 都唔甜, 个质感仲有少少似雪糕咁。𓊈芒果沙冰𓊉杯沙冰好重芒果味呀, 饮落好smooth, 里面仲有芒果肉, 正!✧✧ 整体食物饮品都好好, 店员好有礼貌, 环境又好舒服, 好值得再去。