保頓冰室

营业中

休息中

位于亚士厘道「保顿冰室」门面是80年代的茶记装修，内里风格一样，挂满了经典美食油画，例如牛奶公司雪糕系列、七喜、可口可乐，彷佛好似坐咗穿梭机回到儿时一样，环境好正，美食方便有香港人最熟悉的铁板餐、常餐、碟头饭、蛋挞、香蕉船等等美食，仲有坊间少有嘅猪油捞饭系列呢度都有得食😋▪️美式杂扒铁板餐配热辣辣牛油餐包和味道浓郁的罗宋汤系必须的，套餐仲包埋饭/意/薯菜和饮品，好抵食👍超级丰富食材铁板上枱，包括原只鸡翼、鸡扒、猪扒、烟肉、司华力肠、西兰花粟米、洋葱配洋葱汁，最喜欢就系自行倒上酱汁咋咋声𠮶吓，酱汁继而弹起，就是食铁板餐最治愈嘅一个环节🫶▪️椒盐猪扒煎蛋猪油捞饭呢个猪油捞饭真系超惊喜，最喜欢有香脆猪油渣和香葱，淋上猪油和甜豉油，再捞埋㶶边流心蛋黄一齐食，简直系大癫好味，当然椒盐猪扒亦相当好味，猪扒香口入口软腍，够晒入味，推荐一定要食呢个饭▪️牛油蛋挞牛油挞皮好酥脆，蛋挞馅充满蛋香够又香滑，相当唔错😋▪️怀旧香蕉船卖相已经够怀旧，两边放香蕉中间放两球云呢拿雪糕，再淋上新鲜忌廉、朱古力酱、朱古力脆脆、彩色脆糖再插上两块朱古力威化饼，仲有不可缺少的糖渍车厘子，完全系邪恶嘅怀旧味道🫶