紅花會 (已搬遷) 新店位置

今日想试吓食川菜，有朋友之前食过呢间话唔错，所以就book咗位去试吓，入面d枱都几大张，坐得都好舒服。我地叫咗个前菜口水鸡，d鸡肉好嫩滑，配上个口水鸡酱汁，好香，好惹味，个汁食落好麻，不过都唔算好辣。樟茶鸭，虽然叫咗半只，不过都几大碟，鸭嘅外皮烧得好香脆，块皮一d油份都冇，所以食落完全唔油腻，d肉质唔会鞋，仲有好香嘅烟熏味，几好食。鱼香茄子，虽然系家常小菜，不过要煮得好味都几巧功夫，d咸鱼香味渗入晒d茄子果度，食落非常惹味，但唔算好油腻。油泼面，见个名几特别，所以叫黎试吓，原来系d面质似刀削面，好烟韧弹牙，再配个辣汁，食落都几香辣可口。