Maki拉麵 (已結業)

油尖旺拉面，除咗最出名嘅「一记」同「台记」，个人认为maki拉都值得入选三甲～同另外两间店唔同，呢间系用最幼身的拉面～本人拣咗「硬」，条条分明得来又有少少黏牙感，正～（不过如果钟意沾面个种粗身面条既人就未必岩你啦）大爱樱花虾🦐🦐！令我非常惊喜嘅，系小店将樱花虾砌成厚厚的虾饼，就算去到后期，上面个层仍然有一啲脆脆嘅虾😍亦相当香口～平时喺一记食樱花虾汤拉，食完总系仲会见到零碎嘅樱花虾散落喺个汤，感觉好嘥🤣呢边嘅虾饼就唔会啦而个汤🍜佢算系比较唔油既，但系味道都好够，有虾嘅香味。*注意⚠️唔食得辣嘅朋友要三思😝另外，超重口味嘅人可能会钟意再杰身d/油d既汤底～💁🏻‍♀️小店人客比较少，可能因为油麻地始终人流唔多。但店员都好细心，可以提供围裙，期间又不断帮我地加水😹我哋食𠮶晚，咁啱有两个女仔排紧队食其他餐厅，但系又好得意咁净系入黎maki拉面借厕所😂店员都好好招待，我作为食客见到都有啲惊喜🤣希望大家经过可以入去试下，唔好净系借厕所啦🌱虽然佢哋嘅洗手间都几干净。