古今二 (荃灣千色匯I) (已結業)

我同班朋友一直都好钟意食古今二，既然嚟到荃湾千色汇，就梗系要来食吓啦，喺咁多间分店我最钟意嚟呢间，因为觉得佢装修比较新潮，设计都系简约日本风，有种小清新嘅感觉，味道当然都系好正啦！呢度必点一定系啲卷物，不能叫边一个其实都系劲好食，但系有一样嘢系我每次都好推介人哋食嘅，就系个樱花虾烧茄子，有别于外面嘅烧茄子，呢度会加埋樱花虾喺上面，加强咗唔同嘅口感，脆脆地，加埋烧到好软熟嘅茄子，同埋甜甜地嘅酱汁，真系味觉同口感上嘅冲击！另外呢度嘅天妇罗都炸得酥脆，冇油益味！