影片
更多
2024-06-08
126 浏览
见到网上好多人都推介呢间烤鱼店，全港有九间分店，今日我就去咗西环嘅分店，够辣够惹味，极力推荐要去试吓！我哋嗌咗个沙巴龙趸烤鱼（$378）配经典香辣汤底，再加配咗肥牛（$90）同埋娃娃菜（$20）。虽然汤底拣咗大辣，但我觉得个辣度可接受，平时食得辣嘅直接挑战大辣都冇问题，面头嘅辣椒同埋配料都好正，汤底越煮越辣，非常惹味，净系闻到浸辣香就已经流晒口水！沙巴龙趸非常之嫩滑，好入味，辣得嚟唔会冇咗鱼嘅新鲜味，而且好大条，好满足！肥牛都系大大片，比平时食开嘅肥牛厚，肥瘦适中，口感嫩滑，几好食！食烤鱼又点少得菜，娃娃菜索晒汤底嘅香辣，但系一啲都唔油。另外我哋仲嗌咗羊肉串烧，羊肉一啲都唔膻，虽然都系拣咗大辣，但辣度还好，肉质几软熟，香料调味啱啱好。猪手整得几腍，40几蚊值得试吓。大推呢度嘅口水鸡，辣得嚟鸡肉几嫩滑，份量都唔细，有惊喜，一定要试！最值得一提嘅系呢度有自助任饮菊花茶同埋任食冰粉，食完啲咁重口味嘅嘢食就夹晒啦！
我哋嗌咗个沙巴龙趸烤鱼（$378）配经典香辣汤底，再加配咗肥牛（$90）同埋娃娃菜（$20）。虽然汤底拣咗大辣，但我觉得个辣度可接受，平时食得辣嘅直接挑战大辣都冇问题，面头嘅辣椒同埋配料都好正，汤底越煮越辣，非常惹味，净系闻到浸辣香就已经流晒口水！沙巴龙趸非常之嫩滑，好入味，辣得嚟唔会冇咗鱼嘅新鲜味，而且好大条，好满足！肥牛都系大大片，比平时食开嘅肥牛厚，肥瘦适中，口感嫩滑，几好食！食烤鱼又点少得菜，娃娃菜索晒汤底嘅香辣，但系一啲都唔油。
另外我哋仲嗌咗羊肉串烧，羊肉一啲都唔膻，虽然都系拣咗大辣，但辣度还好，肉质几软熟，香料调味啱啱好。猪手整得几腍，40几蚊值得试吓。大推呢度嘅口水鸡，辣得嚟鸡肉几嫩滑，份量都唔细，有惊喜，一定要试！最值得一提嘅系呢度有自助任饮菊花茶同埋任食冰粉，食完啲咁重口味嘅嘢食就夹晒啦！
张贴
