玖子貴 (已結業)

贵子玖系一间日本地道嘅萨摩鱼饼品牌，当佢初初向香港开分店嘅时候，就已经好想慕名试下佢嘅鱼饼，但成日都无咗回事，今次终于成功打卡～大部分嘅小食都唔算好吸引，唯一吸引到我嘅就系流心蛋鱼饼。唔好睇小呢只流心蛋鱼饼，佢系曾经荣获鹿儿岛县地域特产品大赛第一名嘅小食，来头一啲都唔细架～！鱼饼外层轻轻一炸，添上咗一层薄薄金黄色嘅外观，而内层就仍然保持住雪白嘅颜色。外层嘅鱼饼鱼味浓郁，连埋内层卤汁好入味嘅鸡蛋，大大啖咬落去，食落完全唔觉油腻，而且口感仲好丰富，里面金黄色嘅蛋汁流哂出嚟，睇见就即刻忍唔住要咬多啖～好味就好味，但价钱真系有啲偏贵～