影片
更多
2023-01-05
56 浏览
海胆仔琴晚去咗新蒲岗揾好西食，揾到一间性价比高嘅名叫「海胆仔」，一睇到店名就知主打d人系大多数叫海胆食啦，简直系招牌菜，店员仲介绍我食埋真鲷刺身，即刻勾起我几年前去咗东京嘅其中一间餐厅玩即场钓鱼，钓到即场帮你即㓥即食嘅画面回忆出现！呢间餐厅门口有一级，我又出动斜板，餐厅入面唔算大，大约坐得廿几人左右，但店员都好nice，主动帮我揾枱！👍👍👍1.真鲷（大条）刺身$238（9/10）呢个「真鲷」真系好大条，我都唔知食咗几多块，我谂都有大约30片「真鲷」刺身，刺身肉质爽口弹牙，味道清甜，好鬼新鲜！2.海胆丼 跟面豉汤及沙律$168（9/10）呢个海胆丼入面d海胆好鬼多，真系做店名无错，唔叫海胆真系走宝，我问店员有无两板，佢答我话有50g，仲话系加拿大货！呢个海胆好鲜甜好新鲜，连埋微微暖嘅日本米嘅饭一齐食简直正爆，性价比极高，直情系呢间餐厅必叫皇牌美食之一嘅首选！3.鸡皮串$12（7/10）咸咗少少！4.鱿鱼须串$18（9/10）烧得好香，鱿鱼须爽口弹牙！5.炸虾蟹子卷$36（8/10）一碟4件，影完相食仲好热，好好食！2人总共价钱$519，有加一服务费！个人口味总评分：8.4/10地址：新蒲
琴晚去咗新蒲岗揾好西食，揾到一间性价比高嘅名叫「海胆仔」，一睇到店名就知主打d人系大多数叫海胆食啦，简直系招牌菜，店员仲介绍我食埋真鲷刺身，即刻勾起我几年前去咗东京嘅其中一间餐厅玩即场钓鱼，钓到即场帮你即㓥即食嘅画面回忆出现！
呢间餐厅门口有一级，我又出动斜板，餐厅入面唔算大，大约坐得廿几人左右，但店员都好nice，主动帮我揾枱！👍👍👍
1.真鲷（大条）刺身$238（9/10）
呢个「真鲷」真系好大条，我都唔知食咗几多块，我谂都有大约30片「真鲷」刺身，刺身肉质爽口弹牙，味道清甜，好鬼新鲜！
2.海胆丼 跟面豉汤及沙律$168（9/10）
呢个海胆丼入面d海胆好鬼多，真系做店名无错，唔叫海胆真系走宝，我问店员有无两板，佢答我话有50g，仲话系加拿大货！呢个海胆好鲜甜好新鲜，连埋微微暖嘅日本米嘅饭一齐食简直正爆，性价比极高，直情系呢间餐厅必叫皇牌美食之一嘅首选！
3.鸡皮串$12（7/10）
咸咗少少！
4.鱿鱼须串$18（9/10）
烧得好香，鱿鱼须爽口弹牙！
5.炸虾蟹子卷$36（8/10）
一碟4件，影完相食仲好热，好好食！
2人总共价钱$519，有加一服务费！
个人口味总评分：8.4/10
地址：新蒲岗衍庆街2-32号新蒲岗大厦地下Q号舖
#新蒲岗美食 #海胆仔 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
张贴
