大發茶餐廳 (已結業)

潮州打冷近10年都好似不继减少，要不就要去高档既潮洲菜馆，下下两个人几百蚊落楼。细细果穿住对拖鞋落楼下果种街坊式潮洲打冷风味，似乎消失左！好明白既，香港 d 舖租咁贵，一般个体户点挨得住呀！大发茶餐厅单凭个名唔会令人联想到潮州菜，但只要去到门口，右手边整个厨窗都系熟悉既潮州𩠌。事实上大发真系系好茶餐厅，食物除潮州打冷外，仲有广东小炒，风味炒蚬、蛏子、三文治、咖啡等。食客可以食完潮州菜再饱杯咖啡，各式其式，任君选择。 卥水三味(掌翼 + 大肠 + 墨鱼)：鹅掌翼较为咸左d，其余两款都好味。 杂菜煲：大发既杂菜煲好抵食，不单菜多，仲有虾、鲜鱿，应该改名为海鲜杂菜煲。最钟意佢既味道够清，清得黎又唔会淡而无味，唔系用味精砌出黎既！ 豉汁蒸仓鱼：份量足，够新鲜，每次都会食大发既蒸鱼！环境：香港地道食肆，纯街坊形式。服务：一般老式香港既亲切服务，唔可以讲究。有跟老板顷过如果可以增加一d 旧式潮州菜，例如花生炆鸡脚、萝卜炆大蟮、酸菜炆门蟮等会更吸引。但可能成本问题，仲有要考虑适应街坊既需求高低，至今都无出台，期望一日大发有机会可以比我地试下新菜啦！