名家韓國餐廳 (元宮閣)

营业中

休息中

𠮶日喺太古城做完单job，四围行下揾下有咩食，结果入咗去呢间韩国餐厅。坐低就先上六款前菜，食完可以免费再加。lunch menu 都好多嘢拣，分别叫咗炆牛肋骨配辣汁冷面（$158），同埋人参鸡配饭（$105）。个炆牛肋骨真系不得了，好好食，牛肋骨炆到腍哂，好入味但唔会太咸，系咸甜适中，而且多余脂肪应该已经清理，识落唔觉得肥腻。辣汁冷面系韩国𠮶种嘅烟韧感觉，好味，个人觉得如果可以再辣啲就好。人参鸡就唔算特别，人参味唔算重，饮多两啖会觉得咸咗啲，糯米份量可以多啲就好。另外散叫咗个烤五花腩（$230），店员帮手烧，不过我觉得佢剪得太细旧，而且烧得太耐，最终变得有啲韧，但肉味几浓，唔错的。