探魚烤魚

营业中

休息中

今日喺观塘APM行街，经过见到呢间食烤鱼嘅专门店，入面装修几靓，座位都坐得舒服，睇睇餐牌，都唔算太贵，所以入去试吓。我地叫咗葱葱葱明烤鱼，上枱份量都几多，店员现场将一大条葱切粒，令到成锅烤鱼更香葱味，条鱼劲大条，上面铺满非常多葱花同青椒，仲有好多粒鱼丸，鱼丸食落好弹牙，佢地用炉保温，所以食耐咗都唔会涷晒，仲系热辣辣，条鱼味道非常鲜甜，完全唔腥，好嫩滑，吸收晒d汤汁，好入味。易燃易爆小吃天团系不同类型嘅炸物，有蟹柳，四季豆，莲藕，小酥肉和菜花，每款都好似日式天妇罗咁，炸到个外皮好薄好脆，非常香口。鸡丝拌拌面拌面好惹味，酸酸辣辣好开胃，d面食落烟烟韧韧，吸收晒d酱汁，好惹味，而d鸡丝都几嫩滑。嚣张冰吉桶呢款饮品size真系超夸张，劲大桶，入面仲有柚子同柠檬，饮落酸酸甜甜，好开胃同埋解渴。正。