品越越式料理 (康怡廣場北座)

营业中

休息中

之前好多次经过品越都想试，奈何每次都排晒队，今晚坚想食，所以预左排至少半个钟，咦，但原来都只系排左15-20分钟就有位！同行朋友都表明肚饿，所以就尽情点！鸡丝汤河粉（牛肉汤底）味道清甜，唔重味精味，河粉软滑，浸耐左都唔烂，几好，唯一要弹就系个汤唔够热烧吞拿鱼米纸卷，开头无期望，但烧吞拿鱼肉又几juicy,唔点汁酱都好味，系份量少左啲，因为此菜索价$72, 但应该系得3条切开烧猪颈肉沙律，猪颈肉超juicy, 有焦脆但唔干身，仲唔腻，99分！呢煲咖哩好香，牛腩够入味够棯滑，仲要有埋牛筋，好正，朋友清晒！友人好爱菠萝炒饭，但此饭却太油，味道一般啫牛油鸡翼，卖相一般，厚粉浆，牛油味淡，失望蒜蓉炒高丽菜，好味嘅，但感觉中式菠萝热情果梳打，唔太甜，梳打够气，好饮！总结：食品算不错，尤其烧猪颈肉、牛河同咖哩，服务颇就到，快手快脚，会再返黎。埋单711,仲平过佢地个四人餐！