小火焰韓式咖啡廳 (觀點中心) (已結業)

🇰🇷🇰🇷放假冇得去旅行，除咗挂住日本，都有少少挂住韩国。今次拣咗间韩国餐厅，食个炸鸡顶住瘾先。🍺🍺餐厅近apm，装修都几有韩feel，都几多人等位同拎外卖。由于食咗个几丰富嘅下午茶，只系简单叫咗一个熔岩芝士炸鸡面包同泡菜野菌炒年糕。🐥🐥原本坐低系打算叫份炸鸡，但打开餐牌见到呢个打卡必选「🧀🧀熔岩芝士炸鸡面包」，卖相实在太吸引，即时转軚。上菜外观同餐牌张相一样，炸鸡整得好香脆，最吸晴一定系𠮶个熔岩芝士包🥖🥖。无论用来点炸鸡定粟米脆片，都系绝配。最后食埋个充满芝士精华嘅法包，个法包仲要系外脆内软，真系好圆满。🌶🌶另一个炒年糕都相当好食，怕辣嘅我哋叫咗小辣，辣得来带少少甜，配合泡菜、野菌同烟靭嘅年糕，好惹味。餐牌上嘅甜品都好吸引，可惜今日食得太饱，真系冇作战能力，下次再嚟食过。