七輪燒肉 (已結業)

朋友推荐左呢间烧肉店好耐，今次一行三人去试试呢间烧肉店，因为推荐呢间烧肉店既朋友都系比较识食既人，所以我地都抱住好期待既心情去试。烧肉店位置好方便，地铁站出去，行几分钟已到，出面泊车亦都好方便。环境都好干净整洁，唔会有好油烟既感觉，坐得都好舒服。店员服务态度好友善，而且等待食物的时间都唔算好耐。我地点左个黑毛和牛组合，里面有极级牛肋肉，和牛肉胸腹肉，黑毛和牛脸颊肉，可以试到多款牛肉，价钱亦都很合理（HKD238)而且肉质是属上级，油脂好平均，烧落去好香，入口即溶又嫩滑😍，非常美味，超级值得推荐。另外，我地都点左个广岛蚝清酒烧，有清甜海水味。刺生沙律好清甜新鲜，酸酸既酱汁好开胃，原材料好好。厚烧豚肉果阵都会惊好难烧，但我地先烧两面，再剪开烧烧，唔会太韧，腌料入味，食落味道浓厚。蔬菜我地就选了翠肉瓜，粟米，枝豆，粟米同翠肉瓜烧出黎系真系好食好多，另外，枝豆系must 食既一道菜，上面有盐味调味，口感唔错比出面好多日本店既枝豆好食好多！